المسؤولية عمرها ما بتتكون إلا لما يكون فيه " بنت " بتشليها و هى اللى بيكون دورها فى إنها تكون مهتمية بيها عاداتنا و تقاليدنا خلت البنت فى الزمن القديم ( تعمل اللى يتقالها عليه من غير ما تتكلم ) ثم توارثت هذه العادة حتى جائت إلى جيلنا هذا .. و هتبدأ تسمع كلام من البنات ( تمرد ) .
أصل بصراحة يعنى إيه البنت هى اللى تعمل كل حاجة و الولد ملوش دعوة بالمسؤولية نهائى كل مسؤوليته إنه يكون راجل فى شغله و بس ..
أما دور البنت بيتوقف على كل حاجة كإن البنت ده كائن بـ7 أرواح ممكن تعمل أى حاجة من غير ما تتوجع أو تتكلم بس سؤال بسيط ( لما البنت بـ7 أرواح .. ليه بلاقى أى أم بتشكى إنها تعبانة .. أظن كل ردودكم هتكون " أصل هى كبرت فى السن ... أصل هى مبقتش تقدر تشيل كل حاجة لوحدها .... إلخ ) حلو أوى .. ازاى بقى بعد الكلام ده تقدر تقولى إن البنت تقدر تعمل كل حاجة أكتر من الولد .. أكيد ردكم هيكون كده ( أصل الأم بتكبر فى السن فالصحة بتضيع .. أما البنت لسة صغيرة فعندها صحة أكتر ) البنت و هى صغيرة بتكون لسة ضعيفة على أى حاجة تقابلها .. بتكون لسة بتتعود على الشغل التقيل و الحمل اللى تشيله بعد أمها .. أكيد كل بنت بتقرأ هتلاقى أمها بتقولها الكلام ده ( البنات اللى أصغر منك و اللى عنده 6 و 7 سنين بيعملوا كل حاجة فى بيتهم .. و إنتى مبتعرفيش تعملى حاجة ) البنات دول ميعرفوش يعنى إيه طفولة !! إزاى بنت عندها 6 سنين تبدل تشيل مسؤولية .. المفروض لما البنت تكون ( بنت 14 ) تبدأ تتعلم إزاى تكون المسؤولية لإنها هنا هتكون شبعت من طفولتها و عاشت سنها بما فيه الكفاية .. فتبدأ مرحلة المراهقة و تبدأ تعيش سن المسؤولية و تبدأ تتعلم إزاى تحافظ على نفسها ..
موضوعى اللى نفسى فعلاً أوصله بعد التوعية و الكلام ده .. إن حتى لو البنت إتعملت من صغرها إنها تشيل المسؤولية المفروض متتسابش لوحدها هى اللى تعمل كل حاجة بنفسها .. لازم أخوها , أختها , أمها تعمل معاها ( لان الرسول صلى الله عليه و سلم كل بيعمل فى بيته .. مكنش بيسيب كل حاجة على زوجاته أو أبنائه .. كان بيساعد على قد ما يقدر ) حاولوا ما تخلوش البنت تزهق من نفسها بسرعة .. خلوها تبقى مبسوطة و هى شايلة حاجة إسمها مســؤولــية .
علشان لما تكبر تكون مش مضايقة من المسؤوليات الكتير اللى هى هتشلها ...
#ربنا_يحفظ_البنات_كلهم و #ربنا_يبارك_لأهلهم_فيهم
#دمتم_خيرا
تعليقات
إرسال تعليق